X
تبلیغات
زبان وادب بلوچستان - ناتپاکی
معرفی بلوچستان به جهانیان

 

اؤ مۓ بلوچين کومءُ برات
بل وت مه وت جنگءُ پسات
گوں وت مِڈيت پرچے چوشان
دشمنءَ کَنِ ايت وشھال ءُ شات
بايد ببين يکجاه ءُ ھور
يکجاه کُتين ھمت گوں زور
گوں دوستىءُ مھرءِ سرا
نِشتين په براتى ھر گورا
مُلک مۓ گريبءُ بزَگِ انت
چوکَپ ءُ چُنڈ ءُ درغم انت
داشتگ په پولينگى گجر
پنجاپى ءُ اُوگان په دَر
مادرزمين فريات کَنت
فرياتءُ نالگ بازءکنت
چه اجنبى ءُ دشمنان
ناليتءُ آهءُ زارء کنت
بَچان وتى آوازء کنت
درستان گوں مھرءَ بارءکنت
پَنت ءُ کُلو صد بارء کنت
بيا بَچ منى حالاں بِچار
مرچى منى دردان بِمار
پادا وتى دستان شھار
به کَن اجنبى ءَ وارءُ گار
کوران بِجَن گوانکءُتوار
بل که بِييِت لھتے په سار
کوران دامنى
تير۱۳۸۶

18 July 2007

واجه ھدا

واجه ھدا واجه ھدا

ما که نگندين ھچ ترا
واجه ھدا نوں گوش بدار
جُستءَ کنين ما بارءُ بار
پرچے بلوچ اِنت گارءُ وار
ما ھم اگر تي اوّمتين
پرچے چو,سک ما بے وسين
بے وس چۀ درستين رحمتان
ھر چى که کَشين زحمتان
پرچى په تۓ ذکرءُ دعا
پريات ءُ نالگ ھم گوں آه
عربى زبانءَ ھيل کنين
اے ميٸ زبانءَ داتگين
چونينت اگر کارمرز کنين
نوں که ترا دوستت عرب
تو ھم کتين ما را عرب
اے نوں زبانءَ داتگين
گالوار بلوچى سادگين
تو که نسمجے چوں کنين
ما را نداتگ صاتءُ ضات
ما وا نزانين عينءُ غين
ح حُطى ءُ قاف لينءُ دين
ما وا کنين آ ٹ ےءُ ڈے
اے وا تيٸ سمجا نيے
نوں تو بگوش ما چوں کنين
پريات وتى گوں کے کنين
مارا په وت لوگى نبوت
بله لوگءَ تيٸ شر اڈ کنين
اے تۓ مسيت ءُ مسجدان
قصرنت په گندگ ءَ مُدام
واجه ھدا تو يک يۓ
ملا گوشيت ھر وھد مُدام
نے که شريکے ھست ترا
حيران ءَ باں من ھربرا
اينچو دوار گوں گمبداں
په يک نفر بوتين مدام؟
ھر جاه گريب ءُ بزگينت
بى آپ ءُ نانءَ تَرگينت
اودان تيٸ مسجد زيات
الم ھدا وت گِند گنت
توگندگے حالان ميٸ
پريات ءُ زاريان ميٸ
طاقت چه درستيناں تيٸ
گيشينت ءُ زانين اّلمى
ملک ميٸ بلوچستان ميٸ
موجءَ کنننت دشمن ميٸ
گِپتگ ميٸ ملکءَ په زور
اے ھم تو زانے وت ضرور
ما ھم ھمے پريات کنين
دستبندى ءُ زارءَ جنين
لوگءَ تيٸ مسجد تيٸ
شرتر کنين اڈ چه وتى
نوں يکبرے واجه ھدا

+ نوشته شده در  یکشنبه 1386/07/08ساعت 10:55  توسط نصیر احمدبلوچ  |